'සූකර අසපුව' : යුද්ධයේ ක්ෂතිමය අත්දැකීමක්

    ජිවිතයෙන්    අංශුමාත්‍රයක්  රූපයට  නගමු 

                      මම කැමතියි  කවියෙක් වෙන්න . ඔබට එලෙස සිතන්නට  පුළුවන.   සොයාගත් කොළයක් ද පෑනක්  හෝ  පැන්සලක් ද ගෙන කවි ලියන්නට ඔබට පුළුවන . කිසිවක් නොලියා ඇති හිස් කොළ  කැබැල්ලෙහි කුරුටුගාමීන් කවි තනන්නට ඔබ යත්න දරනු ඇත. පැයක් දෙකක් ගත වුව ද ඔබ වෙතින් කවියක් නොලියවෙන්නට පුළුවන. විවිධ ආකාරයේ  රිද්මයන් පෙනෙන පරිදි ලියෙවුණු යමක් එහි තිබෙන්නට පුළුවන. ඒවා කවි නොවේ. එසේනම් කවි ලියන්නේ කෙසේද ? 

කෙතරම් වෙහෙස දැරුව ද පද දෙකක් හෝ නිසි පරිදි ගළප ගැනීමට නොහැකි වන්නේ  මන්දැයි ඔබ සිත නොයෙක් කල්පනාවන් වෙත යොමුවන්නට පුළුවන.   ඔබ උත්සාහය අතහැර දැමූ අවස්ථා බොහෝ විය හැකිය. කවි ලිවීමේ පරම අදිටනින් වෙහෙසුන ද කවියක්  නිමවීමට වෙහෙස පමණක් ප්‍රමාණවත් නොවෙනු ඇත. කවි ලියැවෙන්නේ කුමන අවස්ථාවක දැයි නිශ්චිතවම කිවහැකි නොවුව ද ලිවීමට මනස හා හදවත සුදානම් වූ කල්හි ඒ සොදුරු මොහොත උදාවනු ඇත. එය නිර්මාණ ආවේශය ලෙස හදුන්වමු. 

ආවේශය නැමැති වචනය ශ්‍රී ලාංකේය ජනයාට ආගන්තුක වන්නක් නොවේ. ආරූඪ වීම යනු ඉන් මතු කෙරෙන සරලාර්ථයයි.  නළු කාර්යෙහි ලා සමාරෝපය ලෙස අර්ථවත් වන්නේ ද ආවේශයයි. කවියෙකු  වනාහී නිරන්තරයෙන් තම හදවත දෙසට ද අනෙකාගේ හදගැස්මෙහි රිද්මයට ද අවධානය යොමු කරන්නෙකි. විසල් ගසක  වියළී  ගිය පත්‍රයක් බිමපතිත වන හඩින්  කවියා අවදි වන්නේ එහෙයිනි  ඉන්මතු  වන හැගීම්  මාත්‍රයෙන් කවියක්   බිහිවිය හැකිය.  

සිනමා මාධ්‍යය යනු ශ්‍රව්‍ය දෘශ්‍ය මාධ්‍යයකි. කුඩා ලෝකය විශාල කර පෙන්වන සිනමාව අප ඉදිරියේ  දැවැන්ත චරිත මවා පෙන්වයි. සිනමාව නම් මැවීමකි. නිර්මාණකරුවාගේ සිතෙහි උපදින සිතුවිලි රූප සහ ශබ්ද බවට පත් වෙයි. ඒය කවිය මෙන් පුද්ගලික කලාවක් නාෙ වේ. සාමූහික කලාවකි. කවියෙකුට ස්වකීය නිර්මාණකරණයේ යෙදීමට අවැසි වන්නේ ඉතා සීමිත සම්පත් ප්‍රමාණයකි. ඒය කොළ කැබැල්ලක් හා පෑනකින් වුව ද සම්පූර්ණ කරගත හැකි වෙයි.  ඒහෙත් චිත්‍රපටය ඒසේ නොවේ. ඒය තාක්ෂණික මාධ්‍යයකි. 

මේ කුමන  හෝ කලා මාධ්‍යයකට පොදු වූ සාධකයක් සොයාගත හැකිය. ඒනම් නිර්මාණශීලී චින්තයයි. සිතුවිල්ලක් නොමැතිව  කවියක් හෝ සිනමාවක් බිහිවන්නේ නැත. සිය සිතෙහි උපදින සිතුවිල්ල නිර්මාණයක් බවට පත්කළ තැනැත්තා නිර්මාණකරුවෙකු ලෙස හැදින්විය හැකි වන්නේ ඒහෙයිනි.  කවියාගේ අවිය බසයි .සිනමාකරුවාගේ බස වන්නේ රූපය හා ශබ්දය යි.   බස පිළිබද ප්‍රවීණයා අර්ථ ශබ්ද රස මවමින් සිය සිතුවිලි පෝෂණය කොට අප ඉදිරියේ තබයි. හෙතෙම කවියෙකි, රචක යෙකි. රූපය හා ශබ්දය වහල් කොට සිය සිතුවිලි මවන්නා රූප මාධ්‍ය යේ නිර්මාණකරු වෙකි. හෙතෙම ඡායාරූපය, සිනමා හා රූපවාහිනී මාධ්‍ය පදනම් කොට ස්වකීය සිතුවිලි නිර්මාණශීලීව සමාජගත කරන්නකි. 

චිත්‍රපටය සමීප වන්නේ නව කතාවටයි. නවකතාව ජීවිතයට අර්ථ ලබා  දෙයි. කළ යුතු  නොකළ යුතු  දෑ පිළිබද කරුණු අනාවරණය කරයි. ඒ අනුව  ෙබාහෝ සිනමා නිර්මාණයන් ද මුල මැද අග සහිත කතාවකින් යුතු ෙවයි. ඒහි අාකෘතිය  වෙනස් වුව ද අව ෙබා්ධ කර ගැනීමට පහසු කතාන්දරයක් චිත්‍රපටයකින් හදුනාගත හැකි වෙයි. කෙටි චිත්‍රපටිය සමීප වන්ෙන්   ෙකටි කතාවටයි. කෙටි කතාව නව කතාව මෙන් ජීවිත අාදර්ශ ලබා ෙනා දේ. ඒය ඒහි අරමුණ ද නො ෙව්. ඒ අනුව  කෙටි චිත්‍රපටය ද කෙටි කතාව මෙන් අාදර්ශ ලබාදීම සදහා නිර්මාණය  කරන්නක් නොවේ. ජීවිතයේ අංශු මාත්‍රයක් කෙටි චිත්‍රපටයෙන් අවධාරණය කරයි.  කෙනෙකු අත්විදි සරල මොහොතක්  කෙටි චිත්‍රපටය සදහා වස්තු බීජය බවට පත්විය හැකිය. 

කෙටි චිත්‍රපට නිර්මාණය කිරීමට යත්න දරන ඔබ චිත්‍රපට නිර්මාණකරුවෙකු බවට පත්වීමේ අාශාවෙන් පෙලෙන්නෙකු විය හැකිය. ඒකී අාශාව පරයා රූප මාධ්‍යයෙන් අදහස් ඉදිරිපත් කරන්නෙකු ලෙස සිතීම අතිශය වැදගත් වෙයි. ඒ සදහා ගැඹුරු ව්‍යාකරණ හැදෑරිය යුතු නොවේ. අාරම්භයේ දී සරල අදහසක් තනි රූපයකින් ප්‍රකාශ කිරීමට යත්න දරන්න ඉන් පසු ඒකිනෙක් රූප ඒක්කොට සරලව සිය සිතෙහි උපදින අදහස අනෙකාට සන්නිවේදනය කරන්න. සාර්ථක නිර්මාණකරුවෙකු බවට පත්වන්නට ඔබට හැකිවනු නිසැකය....

                                                                          - Senior Lecture Upul Jayantha Ranepura

                                                                                        University Of  Kelaniya